Byroja Federale e Hetimeve (FBI) e ka cilësuar tentim-vrasje atë që ndodhi të shtunën në mitingun e ish-presidentit amerikan, Donald Trump.
“Këtë mbrëmje, ne patëm atë që ne e quajmë një atentat kundër ish-presidentit tonë Donald Trump. Është ende një skenë aktive krimi,” tha Kevin Rojek, agjenti special i ngarkuar me zyrën në terren të FBI-së në Pitsburg, duke folur në një konferencë shtypi. në Butler, Pensilvani, raporton CNN.
Ai tha se autoritetet “po punojnë në përpjekje për të identifikuar individin që e bëri këtë dhe çdo motiv prapa pse u bë kjo,” dhe i kërkoi publikut të bashkëpunojë me çdo informacion që mund të ndihmojë.
FBI ka vendosur agjentë hetues, ekipe të reagimit dhe personel tjetër nga i gjithë vendi në lidhje me këtë rast.