Një ndërtesë është përfshirë nga zjarri në rrugën “Shaqir Igrishta” në “Mati 1”.
Rastin e ka konfirmuar për Portalin Dukagjini, zëdhënësja e Policisë në rajonin e Prishtinës, Flora Ahmeti.
“Sot rreth orës 17:00, kemi pranuar informatën për një incident zjarri në lagjen ‘Mati 1’, në Prishtinë, ku nga zjarri është përfshirë një banesë”, ka thënë Ahmeti.
Ahmeti ka shtuar se nuk është raportuar për ndonjë person të lënduar. Në vendngjarje kanë dalë zjarrfikësit dhe policia, të cilët po merren me rastin.