Hoti nis vizitën në ShBA, pritet të marrë pjesë në ceremoninë “Lutjet e Mëngjesit”

Deputeti i Lidhjes Demokratike të Kosovës (LDK), Avdullah Hoti, të hënën, së bashku me disa kolegë deputetë do të udhëtojë për në Washington, për të marrë pjesë në "Lutjet e Mëngjesit" në Kongresin Amerikan

Ish-kryeministri i Kosovës, Avdullah Hoti

Ish-kryeminstri i Kosovës, Avdullah Hoti, njëherësh deputet i Lidhjes Demokratike të Kosovës (LDK), ka bërë të ditur se të hënën do të udhëtojë drejt Shteteve të Bashkuara të Amerikës.

Ai ka thënë se do të udhëtojë për në Washington, për të marrë pjesë në “Lutjet e Mëngjesit” në Kongresin Amerikan, së bashku me disa kolegë deputetë.

“Sot, me disa kolegë deputetë, udhëtoj për Washington për të marrë pjesë në Lutjet e Mëngjesit në Kongresin Amerikan — një ngjarje vjetore që mbledh politikanë nga shumë vende të botës”, ka shkruar Hoti në Facebook.

Tutje, Hoti ka thënë se gjatë tri ditëve të qëndrimit në Washington, do të takojë kongresistë, senatorë, miq e mbështetës të Kosovës nga ShBA-ja dhe vende të ndryshme.

Ndryshe, kryetari i Aleancës për Ardhmërinë e Kosovës, Ramush Haradinaj, të dielën e 29 janarit, e ka nisur vizitën e tij zyrtare në Shtetet e Bashkuara të Amerikës, me ç’rast do të zhvillojë takime të rëndësishme.

Kështu ka bërë të ditur vetë Haradinaj, përmes një postimi në llogarinë e tij në Facebook, ku ka thënë se Kosova asnjëherë nuk duhet të harrojë që aleanca me ShBA-të është e përjetshme dhe duhet të mirëmbahet me punë, komunikim të sinqertë dhe bashkëpunim të vërtetë.

Ai, po ashtu, ka njoftuar se do të jetë pjesë e ceremonisë “Lutjet e Mëngjesit”.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika