Kryetari i Partisë Demokratike të Kosovës, Memli Krasniqi, këtë të enjte e ka vizituar komunën e Gjilanit.
Vizitën e tij në këtë komunë, Krasniqi e ka përmbyllur në fshatin Zhegët.
Sipas tij, numri i banorëve në këtë fshat po ulet dita – ditës për shkak të largimit nga vendi nga të rinjtë.
Largimi i tyre sipas Krasniqit, po bëhet për shkak të “pasigurisë në punë, degradimit të sistemit shëndetësor dhe rritjes enorme të kostos së jetesës”.
Sipas tij, të rinjtë nuk shohin të ardhme në Kosovë për shkak se nuk ndihen të sigurtë.
Qytetarët sipas tij e kanë humbur besimin te institucionet e Kosovës.
“Për fat të keq, sot shumë rinj në Kosovë nuk e imagjinojnë një të ardhme të sigurtë në vend, sepse qeverisja aktuale nuk po i plotëson as për së afërmi nevojat dhe kërkesat e qytetarëve. Qytetarët e Kosovës e kanë humbur besimin në institucione, prandaj detyrë e secilit duhet të jetë rikthimi i Kosovës në binarët e zhvillimit dhe përparimit”, thuhet në njoftimin e PDK-së.