Një 22-vjeçar ka vdekur në Gjilan pasi dyshohet të ketë rënë nga dritarja e banesës së tij.
Këtë e ka konfirmuar për Portalin Dukagjini, zëdhënësi i policisë për rajonin e Gjilanit, Ismet Hashani.
Hashani ka bërë të ditur se policia e ka gjetur atë të shtrirë në rrugë e në gjendje të rëndë shëndetësore, ku pas kësaj është dërguar në Emergjencën e Gjilanit, por nuk i ka mbijetuar lëndimeve që ka marrë.
Trupi i viktimës është dërguar në IML për obduksion.
Rasti është iniciuar si “Vdekje e dyshimtë”, ndërsa hetimet vazhdojnë.
“Rreth orës 15:54, Policia e Kosovës në Gjilan është njoftuar se në rr. ‘Abdulla Presheva’ – Gjilan është gjetur një person i shtrirë në rrugë në gjendje të rëndë shëndetësore. Viktima ( M.K.SH 22-vjeçar) dyshohet të ketë rënë nga dritarja e banesës së tij. I njëjti është dërguar në Qendrën emergjente në Gjilan, me urgjencë i përcjellë nga patrulla e Policisë, ku edhe përkundër përpjekjeve të mjekëve për t’i ofruar ndihmë, mjeku kujdestar ka konfirmuar se ai ka ndërruar jetë”, ka thënë Hashani.