Një person është arrestuar në Prishtinë, pasi dyshohet të ketë sulmuar me thikë një person tjetër në orët e hershme të mëngjesit të së mërkurës.
Siç njofton policia në raportin e përditshëm, viktimës i është ofruar tretman mjekësor menjëherë pas rastit, derisa i dyshuari kishte ikur nga vendi i ngjarjes.
Por, pas veprimeve hetimore është identifikuar i dyshuari i cili me vendim të prokurorit pas intervistimit është dërguar në mbajtje.
Rasti është inicuar si “Vrasje në tentativë”.
“Viktima mashkull kosovar është sulmuar me thikë nga një i dyshuar mashkull kosovar i cili ka ikur nga vendi i ngjarjes. Viktimës i është ofruar tretmani i nevojshëm mjekësor. Pas veprimeve hetimore është identifikuar dhe arrestuar i dyshuari kosovar dhe i njëjti me vendim të prokurorit pas intervistimit është dërguar në mbajtje”, thuhet në raport.