Hong Kongu përballet me reshjet më të mëdha në pothuajse 140 vjet

Shiu i rrëmbyeshëm u soll nga Haikui, një tajfun që arriti të martën në provincën kineze të Fujian. Deri tani numërohen mbi 80 të lënduar

83 persona janë lënduar gjersa Hong Kongu përballet me reshjet më të mëdha në gati 140 vjet.

Përtej kufirit, autoritetet në qytetin Shenzhen të Kinës regjistruan gjithashtu shirat më të dendur që nga fillimi i regjistrimeve në vitin 1952.

Autoritetet lëshuan paralajmërime për përmbytje, me shërbimet e urgjencës që kryejnë operacione shpëtimi në pjesë të Hong Kongut. Krahas kësaj, u paralajmërua për rrëshqitje të mundshme dheu, duke iu thënë shoferëve që të qëndrojnë larg nga shpatet e pjerrëta ose muret mbajtëse.

Siç raporton “Telegraph“, shiu i rrëmbyeshëm u soll nga Haikui, një tajfun që arriti të martën në provincën kineze të Fujian.

Edhe pse u dobësua në një depresion tropikal, retë e saj me lëvizje të ngadalta kanë hedhur vëllime të mëdha reshjesh në zonat ende të zhytura nga shiu nga një super tajfun një javë më parë.

Reshjet e dendura në Hong Kong filluan të enjten dhe në orën para mesnatës, observatori i motit të qytetit regjistroi reshje për orë prej 158.1 milimetrash, më të lartat që nga fillimi i regjistrimeve në 1884.

“Është absolutisht tronditëse,” tha Jacky, 52 vjeç, i cili jeton në lagjen “Wong Tai Sin” me prindërit e tij të moshuar. “Nuk mbaj mend që përmbytjet të kenë qenë ndonjëherë kaq të këqija në rrethin tonë. Kati i poshtëm i qendrës tregtare është plotësisht i përmbytur, niveli i ujit është më i lartë se vitrinat… e ka kthyer ditën tonë në kaos.”

Autoritetet e Hong Kongut mbyllën shkollat ​​të premten dhe u thanë punëtorëve të qëndrojnë në shtëpi.

Njëherit, si shkak i pëmbytjeve është mbyllur një linj e rrjetit hekurudhor.

Kina jugore u godit fundjavën e kaluar nga dy tajfunë radhazi – Saola dhe Haikui – megjithëse Hong Kongu shmangu një goditje të drejtpërdrejtë.

Dhjetëra miliona njerëz në zonat bregdetare të dendura të populluara të Kinës jugore ishin strehuar në ambiente të mbyllura përpara atyre stuhive.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika