Publicisti, Veton Surroi, në “Debat Plus” në RTV Dukagjini, ka thënë se duhet të ketë njohje në mes të Kosovës dhe Serbisë.
“Drafti i Asociacionit është implant juridik, mund të funksionojë në njërën anë, mund të funksionojë në anën tjetër, pra, mund të funksionojë si zgjatim dhe këtë ende nuk e dimë, ose mund të funksionojë si integrim brenda shtetit të Kosovës brenda një ndihme, e cila duhet të jetë ilegale sipas standardeve të OSBE-së. Por, për t’u bërë ndihmë ilegale sipas standardeve të OSBE-së, duhet të ketë njohje mes Kosvës dhe Serbisë”, ka thënë Surroi.
Por, sipas tij, mungesa e njohjes, e konsideron këtë operacion si zgjatim të institucioneve të Serbisë brenda Republikës së Kosovës.
“Sepse mungesa e njohjes, mungesa e sigurisë juridike e konsideron tërë këtë operacion si zgjatim të institucioneve të Serbisë brenda Republikës së Kosovës, me leje të Republikës së Kosovës”, ka thënë Surroi.