Deputeti i Vetëvendosjes (VV), Arbër Rexhaj, ka thënë se marrëveshja në mes të dy vendeve, Kosovës dhe Serbisë, duhet të nënshkruhet.
Lidhur me çështjen e Asociacionit, Rexhaj ka thënë se kësaj teme asnjëherë nuk i janë shmangur, por sipas tij, e kanë problem metodën.
“Sepse në tryezën e diskutimeve, në dialogun përballë Serbisë, na janë ofruar mbi 20 modele të Asociacionit…”, ka thënë Rexhaj në “Debat Plus” në RTV Dukagjini.
Ai është shprehur se Asociacionin që e kanë kundërshtuar më herët është i njëjti edhe tash.
“Është problematike, edhe pse me disa kompetenca të deleguara, është arsimi privat i financuar nga Serbia, shëndetësia e tillë”, ka thënë deputeti.