Kryeministri i Kosovës, Albin Kurti ka thënë se platformën e-Kosova e përdorin mbi 916 mijë qytetarë, në të cilën shfrytëzojnë mbi 175 shërbime online.
Kurti përmes një postimi në “X” ka paralajmëruar se së shpejti në këtë platformë do të ofrohen edhe shërbime të tjera të reja.
“E prezantuar vetëm tre vjet më parë gjatë pandemisë Covid-19 për të lehtësuar procesin e vaksinimit, platforma e-Kosova tani ofron mbi 175 shërbime online. Mbi 916 mijë përdorues të regjistruar, nga të cilët 50.7% janë gra, kanë akses në shërbimet shëndetësore dhe familjare dhe mund të përdorin platformën për të aplikuar për grante dhe ndihma, si dhe për të paguar taksat dhe shërbimet komunale, me shumë shërbime të tjera që do të prezantohen së shpejti”, ka shkruar Kurti.
Sipas tij e-Kosova është shembulli më i mirë se ka mundësi edhe në situata të vështira dhe sipas tij është dëshmi e vizionit të Qeverisë për t’i kthyer situatat e tilla në ndryshime pozitive.
Introduced just three years ago during the Covid-19 pandemic to facilitate the vaccination process, @eKosovaplatform now provides 175+ online services. Over 916k registered users, out of which 50.7% are women, have access to health and family related services, and can use the… pic.twitter.com/rMvlttG33j
— Albin Kurti (@albinkurti) June 29, 2024