Kryetari aktual i Komunës së Istogut dhe njëherësh kandidat për një mandat të ri, Ilir Ferati, ka zhvilluar një takim me familjen Pepaj, ku ishte e pranishme edhe kandidatja për asamble komunale, Liridona.
Në këtë takim, Ferati tha se pati një diskutim të afërt dhe të frytshëm me familjen mikpritëse, i cili, sipas tij, ka sjellë ide dhe vizione të reja për zhvillimin e lagjeve të komunës.
“Mbrëmë, familja Pepaj na mirëpriti në shtëpinë e tyre, së bashku me kandidaten tonë, Liridonën.
Diskutimi i afërt dhe i frytshëm që patëm, na dha një vizion të ri për zhvillimin e lagjeve tona duke i hapur rrugë planifikimit për ndërtimin e një të ardhmeje më të mirë.
Faleminderit nga zemra për mikpritjen dhe mbështetjen e vazhdueshme”, ka shkruar Ferati.