Një 29-vjeçar është arrestuar nga Policia e Kosovës nën dyshimin për vrasje në tentativë, pas një incidenti që ka ndodhur sot rreth orës 02:30 të mëngjesit në fshatin Arllat të Drenasit.
Sipas njoftimit të policisë, viktima R.B., mashkull, ka pësuar lëndime nga një mjet i mprehtë – dyshohet thikë – dhe është dërguar menjëherë për trajtim mjekësor.
Njësitet policore të Drenasit kanë reaguar me shpejtësi duke ndërmarrë veprimet operativo-hetimore që kanë çuar në arrestimin e të dyshuarit E.B. (29 vjeç).
Pas intervistimit, me vendim të prokurorit të shtetit, i dyshuari është dërguar në qendrën e mbajtjes, ndërsa ndaj tij është iniciuar rasti “Vrasje në tentativë”.