Pas disa orëve ka përfunduar bastisja në basesën e Fatmir Sheholli në Prishtinë, pasi ky i fundit u arrestua këtë të enjte nën dyshimin për spiunazh.
Hetuesit nga banesa e Shehollit dolën me një numër të madh dokumentesh që janë sekuestruar për vazhdimin e të gjitha veprimeve të nevojshme hetimore, njofton Dukagjini.
Prokuroria Speciale e Kosovës bëri të ditur se Sheholli është ndaluar për 48 orë.
“Me aktvendim të Prokurorisë Speciale, i dyshuari është ndaluar për 48 orë, dhe nga njësitet relevante të Policisë së Kosovës janë duke u kryer bastisje në vendbanimin e të dyshuarit, me qëllim të sigurimit edhe të provave të tjera materiale. Prokuroria Speciale e Kosovës, në bashkëpunim dhe koordnim me Policinë e Kosovës, është duke ndërmarrë të gjitha veprimet e nevojshme hetimore, në përputhje me Kodin e Procedurës Penale dhe ligjet në fuqi, për të cilat publiku do të njoftohet në kohë”, thuhet në njoftimin e Prokurorisë.
I arrestuar nën dyshimin për spiunazh, bastiset banesa e Fatmir Shehollit