Trupi i influencueses nga Grazi u gjet në një valixhe të varrosur në Slloveni

Kërkimi për influencuesen e zhdukur nga Grazi, Stefanie Pieper, ka përfunduar tragjikisht. Ish-i saj 31-vjeçar ka pranuar para policisë se e ka vrarë dhe i ka udhëhequr hetuesit drejt vendit ku e kishte varrosur trupin, në një zonë pyjore në Slloveni, raportoi Krone.at.

Pas arrestimit në Slloveni, ai u ekstradua dje në Austri, ku gjatë marrjes disaorëshe në pyetje nga policia kriminale e Styria-s, ka thyer heshtjen. I dyshuari i çoi hetuesit te vendi ku gjendej trupi i 32-vjeçares.

Sipas dëshmisë së tij, ai e kishte mbytur Stefanie-n, trupin e kishte futur në një valixhe dhe më pas e kishte varrosur në një pyll në territorin slloven. Detajet e sakta të këtij krimi të rëndë mbeten ende të pasqaruara.

Stefanie u raportua e zhdukur të dielën e kaluar nga familja dhe kolegët e punës, pasi nuk u paraqit në një set fotografik të planifikuar në Graz dhe nuk ishte e arritshme në telefon. Më herët, ajo kishte marrë pjesë në një festë të Krishtlindjeve.

Hetimet çuan shpejt tek ish-partneri i saj si person me interes. Policia sllovene e arrestoi të hënën në mbrëmje, kur u pa pranë makinës së tij që ishte përfshirë nga flakët në një kazino në jug të pikës kufitare Spielfeld.

Edhe vëllai dhe njerku i tij u arrestuan më herët; ndaj të dyve është caktuar masa e paraburgimit në burgun Graz-Jakomini për shkak të dyshimeve se mund të fshehin prova.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika