Është gjetur i vdekur Alush Kastrati, 80-vjeçari nga fshati Zatriq i Rahovecit, i cili ishte raportuar i zhdukur që nga 7 marsiraporton Ekonomia Online përcjell Dukagjini
I moshuari ishte larguar nga shtëpia dhe nuk ishte kthyer më, çka bëri që familjarët të raportojnë zhdukjen e tij në polici.
Më herët, Policia e Kosovës kishte kërkuar ndihmën e qytetarëve për gjetjen e tij në rajonin e Gjakovës. Sipas njoftimit të asaj kohe, më 7 mars ishte raportuar zhdukja e Alush Vesel Kastratit, banues në fshatin Zatriq të Rahovecit.
Sipas familjarëve, në momentin e largimit nga shtëpia ai kishte të veshura pantallona të zeza, pallto të zezë dhe këpucë të zeza, ndërsa mbante edhe një shkop ndihmës për ecje.
Policia kishte njoftuar se që nga dita e raportimit janë ndërmarrë veprime intensive operative dhe hetimore për lokalizimin e tij, ndërsa qytetarët ishin ftuar të ndihmonin me çdo informacion të mundshëm për gjetjen e të moshuarit.
Rrethanat e vdekjes së 80-vjeçarit pritet të sqarohen nga organet kompetente.