Në Prizren është arrestuar një person i kërkuar me urdhëresë gjyqësore, i dënuar me një vit burg efektiv për veprën penale “Vjedhje e rëndë”.
Sipas Policisë së Kosovës, më 30 qershor 2026, njësiti për realizimin e urdhëresave në Stacionin Policor në Prizren, pas veprimeve operative-hetimore, ka arritur të lokalizojë dhe arrestojë të kërkuarin B.Q., rreth 25 vjeç, nga Prizreni.
“I njëjti ka qenë në kërkim pasi ishte dënuar me një (1) vit burg efektiv me vendim të plotfuqishëm të Gjykatës Themelore në Prizren,” thuhet në njoftimin e Policisë së Kosovës.
I arrestuari është dënuar për veprën penale “Vjedhje e rëndë” sipas nenit 327 të Kodit Penal të Republikës së Kosovës.
“Pas veprimeve operative-hetimore, njësiti për realizimin e urdhëresave ka arritur të lokalizojë dhe arrestojë të kërkuarin B.Q.,” thuhet më tej në njoftim.
Pas arrestimit, ai fillimisht është dërguar në Stacionin Policor në Prizren, ndërsa më pas është transferuar në institucionin korrektues për vuajtjen e dënimit.
Policia e Kosovës ka theksuar se mbetet e përkushtuar në zbatimin e ligjit dhe garantimin e sigurisë publike.
“Policia mbetet e përkushtuar në zbatimin e ligjit dhe ndërmarrjen e veprimeve për identifikimin dhe arrestimin e personave të kërkuar,” thuhet në fund të njoftimit.