Deputetja e PDK-së, Blerta Deliu, ka komentuar pas takimit mes kryeministrit Albin Kurti dhe kryetarit të PDK-së, Bedri Hamza, duke thënë se qëndrimi i partisë së saj mbetet që Ligji për Dhomat e Specializuara të miratohet në dy lexime.
Deliu ka thënë se miratimi i këtij ligji është çështje thelbësore në situatën aktuale politike dhe institucionale në të cilën ndodhet Kosova.
“Për ne është thelbësore të miratohet Ligji për Dhomat e Specializuara në dy lexime. Konsiderojmë që nuk ka diçka më të rëndësishme në situatën politike, institucionale në të cilën ndodhet Kosova, që një ligj i tillë të mos miratohet ashtu siç jemi dakorduar. Qëndrimi ynë mbetet që duhet të miratohet ligji në dy lexime”, ka deklaruar Deliu.