Ish-drejtor i Doganës, Naim Huruglica, në emisionin “FIVE” në RTV Dukagjini, ka folur në cilësinë e ekonomistit se a mund t’i mbulojë buxheti i Kosovës kërkesat e sektorit publik, në ligjin për paga.
Ai ka thënë se ligji i ri pagave nuk është i definuar saktë dhe ”në asnjë moment nuk po përcaktohet çfarë parasheh rritje apo nivelizim pagave për pozita e njëjta, të cilat ushtrohen në administratë, apo edhe zbritje të pagës”, ka thënë Huruglica.
Ai ka thënë se treguesit makroekonomikë që Kosova i ka në buxhet, nuk tregojnë se mund të këtë rritje të pagave.
“Pavarësisht që të gjithë po mendojnë që fjala ligji i ri pagave do të këtë rritje të pagave, treguesit makroekonomikë sinjalizojnë se ka shumë pak hapësirë, që të këtë një rritje stubtanciale”, ka shtuar ai.
Ai ka folur edhe për koficentin e pagave, ku ka thënë se ky draft është duke e ndjekur një parim të ngjashme më Shqipërinë, i cili parasheh se paga e Presidentit duhet të jetë më e larta, ndërsa të tjerat më poshtë se ajo.
“Mundësitë buxhetor e kufizojnë që ekspertë e fushave të caktuar ose njerëzit të cilët udhëheqin institucione apo agjencinë me rëndësi të madhe me siguri do të ndahen keq me nivelin e pagave që marrin sepse ata gjithsesi do të jenë të nënrenditur në pagën krerëve të shteti ”.
“Mua shifrat nuk po më dalin nuk e di se ku do t’i marrin të hollat për financimin e krejt këtyre shpenzimeve, të cilat për çdo ditë janë duke u rritur, nuk po flitet nga do të vinë, por vetëm se ka do të shkojnë”, ka bërë të ditur Huruglica.
Sipas tij, Qeveria e Kosovës ka vetëm një buxhet shpenzues rreth 3 miliardë euro, ndërsa ajo ka mbledhur nga taksat vetëm 2.1 miliardë euro, kjo sipas tij, nuk krijon mundësi për rritje të pagave.
Huruglica ka përfunduar duke thënë se këto shpenzime e kanë rritur deficitin.