Kryetari i Lidhjes Demokratike të Kosovës (LDK), Lumir Abdixhiku, të martën ka pritur në takim lamtumirës ambasadorin e Shqipërisë, Qemal Minxhozi.
Për shërbimin 9-vjeçar si ambasador, Abdixhiku i ka dhuruar si dhuratë simbolike një “Helmetë Ilire”
Përmes një postimi në Facebook, kreu i LDK-së ka thënë se pas 9 vjetësh shërbim, ambasadori Minxhozi po largohet si një personalitet që la shenja të mira bashkëpunimi, si një njeri që përkundër sfidave jo fort të zakonshme politike, mbajti politikën shqiptare në përfaqësim të denjë, të matur e me plot ekselencë.
“Pas 9 viteve shërbim, ambasadori Minxhozi po largohet si një personalitet që la shenja të mira bashkëpunimi, si një njeri që përkundër sfidave jo fort të zakonshme politike, mbajti politikën shqiptare në përfaqësim të denjë, të matur e me plot ekselencë. Për këtë dhe shërbimin e dhënë, i dhurova një Helmetë Ilire. Rrugëtim të mbarë ambasador. Paç gjithherë kujtime të mira për Kosovën”, ka shkruar Abdixhiku.