Një person është arrestuar në Fushë-Kosovë nën dyshimin për veprën penale të falsifikimit të dokumenteve.
Policia njofton se arrestimi është bërë më 18 qershor, ndërsa dyshohet se rasti ka ndodhur më 22 mars 2022.
Gjatë bastisjes në shtëpinë dhe objektet përcjellëse të të dyshuarit, janë konfiskuar prova materiale, përfshirë pesë vula të institucioneve të ndryshme, akte noteriale, diploma, kontrata dhe marrëveshje të ndryshme.
“Gjatë bastisjes së shtëpisë dhe objekteve përcjellëse të të dyshuarit janë gjetur dhe konfiskuar si prova materiale 5 vula të institucioneve të ndryshme, dokumente të ndryshme si akte noteriale, diploma kontrata – marrëveshje. Me vendim të prokurorit, i dyshuari është dërguar në mbajtje”, thuhet në raportin 24-orësh Policisë së Kosovës.