Një person është arrestuar në Prizren rreth orës 17:00, nën dyshimin se ka kryer veprën penale dhunim ndaj një vajze të mitur.
Sipas Policisë së Kosovës, viktima femër është intervistuar në prani të një prindi dhe zyrtarëve të Qendrës për Punë Sociale (QPS), dhe më pas është dërguar për ekzaminime mjekësore në Institutin e Mjekësisë Ligjore (IML).
I dyshuari, pas intervistimit, është ndaluar me vendim të prokurorit kompetent dhe është dërguar në mbajtje.
Autoritetet kanë nisur hetimet për ndriçimin e plotë të rastit, ndërsa për shkak të ndjeshmërisë, nuk janë bërë të ditura detaje të mëtejshme thuhet në raportin 24 orësh të policisë.