Përdorimi i rrjeteve sociale e veçmas “TikTok-in” prej klubet të ndryshme të futbollit po sjellin interaktivitet edhe me zhanret e muzikave që ata i përdorin.
Ekipi spanjoll, Atletico Madrid periudhës së fundit është tejet aktiv me përmbajtjet që ata i postojnë në profile të tyre.
Përmbajtje me pyetje, pjesë nga stërvitjet dhe shumë momente gazmore të futbollistëve postohen me bazë ditore në llogarinë zyrtare të ekipit.
Pyetja e radhës për ndjekësit e faqes së ekipit ishte për të gjetur se cili lojtar është në fotografi nga stërvitja e ditës.
Ajo se çka e bën më të veçantë këtë postim ishte pikërisht melodia e sondazhit, që është këngë e reperit të njohur, Ledri Vula.
Bëhet fjalë për këngën “Beautiful”, të cilën Ledri e këndon me Flori Mumajesin.
Ndërkaq, lojtari në sondazh është Rodrigo De Paul.