Eksperti i sigurisë, Fidair Berisha, vlerëson se bastisjes e ditës së djeshme nga Prokuroria Speciale dhe Policia në Zubin Potok dhe Zveçan lidhur me vrasjen e zyrtari të EULEX-it janë bërë në kohën e duhur.
“Shteti po shihet se po funksionon dhe realisht për zbardhjen e rasteve kurrë nuk është vonë, kjo ka ndodh në vitin 2013 kur u pat vra një doganier i EULEX-it. Por, duhet vlerësuar angazhimi i prokurorisë dhe policisë për zbardhjen e këtij rasti”, u shpreh Berisha.
Berisha, i ftuar në “FIVE” në TV Dukagjini, u shpreh se beson që shumë shpejt do të zbardhet vrasja e zyrtarit që ndodhi më 2013.
“Vetë fakti që rasti prej 2013 nuk është zbardh flet për një kompleksitet jashtëzakonisht të madh të kësaj ngjarje dhe është punë ekskluzive e hetuesve që merren me rastin. Mendoj që në momentin kur Prokuroria Speciale dhe Policia tregon se ka qenë koha e duhur për të reaguar dhe ka pasur argumente, besoj që ky rast do të zbardhet shpejt.