Kryeministri në detyrë, Albin Kurti ka pritur këtë të mërkurë në takim komandantin e ri të misionit të NATO-s në Kosovë, KFOR, , gjeneralmajor Ozkan Ulutash.
Zyra e Kryeministrit bën të ditur se në këtë takim është diskutuar me theks mbi situatën e sigurisë dhe për rëndësinë e bashkëveprimit dhe bashkëpunimit ndërmjet institucioneve të sigurisë të vendit dhe të misionit të NATO-s në Kosovë.
“Duke i uruar mirëseardhje përsëri në Kosovë dhe duke i dëshiruar suksese në mandatin e dytë si komandant i KFOR-it, kryeministri Kurti theksoi gatishmërinë dhe angazhimin e tij dhe të Qeverisë për bashkëpunim të ngushtë me KFOR-in në ruajtjen e paqes dhe sigurisë në të gjithë territorin e vendit”, thuhet në njoftim.
Kujtojmë se Ulutash është pritur në takim edhe nga e para e shtetit, Vjosa Osmani.
Osmani takon komandatin e KFOR-it: Shpreha besimin për vazhdimin e bashkëpunimit për paqe dhe siguri