Kandidati i Lidhjes Demokratike të Kosovës për kryetar të Podujevës, Ekrem Hyseni, ka bërë të ditur se disa nga themeluesit të Lëvizjes Vetëvendosje në këtë komunë i janë bashkuar ekipës së tij.
Hyseni thotë se bashkë janë bërë për ndryshimin e madh e të domosdoshëm për Podujevën, njofton Dukagjini.
“Bashkë me Ajet Poterën, Bedri Maçastenën, Besnik Mulliqin e Bujar Hasanin, për ndryshimin e madh e të domosdoshëm! Ora e ndryshimit të madh po afron! Ndryshimi i madh nisë nga nesër!”, ka shkruar Hyseni.
Kujtojmë se nesër do të mbahen zgjedhjet lokale teksa me Podujevën ka udhëhequr Lëvizja Vetëvendosje.