Valmir Elezi nga KQZ, i ftuar në emisionin FIVE në RTV Dukagjini ka thënë se afati për aplikimin rreth çertifikimit të subjekteve politike dhe kandidatëve që duan të marrin pjesë në zgjedhjet e 29 nëntorit është përmbyllur këtë të premte në orën 16:00.
“Duke filluar nga 15 nëntori deri më tani 25 nëntor KQZ ka pranuar gjashtë aplikime nga subjekte politike, të cilat kanë dorëzuar edhe emrat e aplikantëve që duan të marrin pjesë në zgjedhjë”, ka thënë Elezi.
Elezi nga KQZ ka theksuar së sipas listës, subjektet politike që kanë aplikuar janë: iniciativa qytetare “Mitrovica”, e cila ka aplikuar për çertifikimin me kandidatin e saj për kryetar të Mitrovicës së Veriut, Partia Demokratike e Kosovës(PDK) që ka dorëzuar emrat e katër kandidatëve për t’u çertifikuar për zgjedhjet në katër komunat veriore.
Valmir Elezi, mes tjerash theksoi se Lëvizja Vëtëvendosje ka dorëzuar aplikimin e katër kandidatëve për t’u çertifikuar për zgjedhjet në veri të Mitrovicës.
Elezi ka potencuar se numri i përgjithshëm i kandidatëve është 12, ai shtoi tutje se sipas procedurave, KQZ do të bashkëpunojë dhe me institucione të ndryshme me qëllim të verifikimit të kandidatëve nëse janë në përputhje me nenin 29 të ligjit për zgjedhje të përgjithshme.
“Dëri më 28 nëntor do të bëhet çertifikimi i kandidatëve”, ka përfunduar Valmir Elezi nga KQZ.