Nga e hëna dyert e gjykatave do të jenë hapur vetëm për raste të natyrës urgjente.
Me të përfunduar orari i së premtes, gjyqësori hyn në pushim veror deri më 20 gusht.
Synimi i KGJK-së ka qenë eliminimi i praktikës së dështimit të seancave gjyqësore, por përveç kësaj, avokatët përmendin edhe një sërë arsyesh tjera në favor të vendimit.
“Është shumë lehtësim edhe për ne avokatëve edhe për palët tona, sa është lehtësim është edhe e nderlikuara sepse palët presin që proceset e tyre të zgjidhen por duke parë, temepraturat e larta që mbizotërojnë në salla e pallatit të drejtësisë është e pamundur që në këto kushte të zhvillohet siç duhet”, ka theksuar Bledar Gashi – Avokat.
Edhe avokati Florim Shefqeti e konsideron si vendim të duhur, por që shpreson që gjykatat do trajtojnë të paktën rastet urgjente.
“Politika e Këshillit Gjyqësor që të bëjë pushim 30 ditor për të gjitha gjykatat konsiderojmë se është e duhur për shkak të zvogëlimit të pamundësimit të dështimit të seancave sidoqoftë kjo do duhej të trajtohej në aspektin e masave të sigurisë dhe lëndëve të natyrës urgjente që paraqiten”,ka deklauar Florim Shefqeti – Avokat.
Këshilli Gjyqësor i Kosovës, bazuar në Konventën e Organizatës Ndërkombëtare të Punës ka marr vendim për pushimin zyrtar bllok të Gjykatave në Kosovë, në dy periudha gjatë vitit kalendarik, gjatë sezonit të verës dhe dimrit.
Në pushim nga e hëna hyjnë edhe Dhomat e Specializuara për Kosovën në Hagë, por që kthehen më 15 gusht.