Xhavit Haliti, ish-deputet i Partisë Demokratike të Kosovës (PDK), në emisionin Five në RTV Dukagjini ka thënë se votimi i Nenad Rashiqit për nënkryetar të Kuvendit nuk është legjitim, pasi edhe Gjykata Kushtetuese e ka vlerësuar si të tillë.
“Po them se mënyra se si është futur në votim, kush e ka propozuar, është jo legjitime”, ka deklaruar Haliti.
Ai ka shtuar se komunitetet në Kuvend gjithmonë janë votuar së bashku dhe se ky parim është shkelur në rastin e fundit.
“Komunitetet i kemi votuar gjithmonë dy bashkë dhe do të duhej të votoheshin të dy bashkë. Nëse votohet njëri, duhet të votohet edhe tjetri, jo kështu me u nda. Nuk ka ndodhë me u nda në votim në Parlament deri kësaj radhe që kanë zbulu këta nga VV-ja një ‘bidat’ të ri”, ka thënë Haliti.