Kryetari i Aleancës për Ardhmërinë e Kosovës, Ramush Haradinaj, ka shkuar në Deçan për të uruar kandidatin e partisë së tij, Bashkim Ramosaj, që doli fitues në zgjedhjet e djeshme lokale.
Haradinaj u shpreh se Deçani ishte i pakontestueshëm për fitoren e Aleancës teksa Ramosajn e uroi për fitoren dhe punën e palodhshme që ka bërë në këtë komunë, njofton Dukagjini.
“Deçani i pakontestueshëm për fitoren e Aleancës dhe për vazhdimin e qeverisjes së Bashkim Ramosajt edhe për një mandat tjetër katërvjeçar. E urova kryetarin Ramosaj për këtë fitore të merituar dhe për punën e palodhshme që ka bërë për Deçanin. Nga sot, puna vazhdon me të njëjtin përkushtim dhe energji”, ka shkruar Haradinaj.