Kryetari i Istogut dhe kandidati i LDK-së për një mandat të ri, Ilir Ferati, ka njoftuar se qytetarët e Saradranit dhe zonave përreth i janë bashkuar LDK-së “si asnjëherë më parë”.
Ferati ka falënderuar qytetarët për mbështetjen e vazhdueshme dhe ka theksuar se kjo përkrahje do të vazhdojë rrugëtimin e përbashkët të punës, besimit dhe fitores më 12 tetor.
“Qytetarët tanë i janë bashkuar LDK-së si asnjëherë më parë, për të vazhduar rrugëtimin tonë të përbashkët – rrugëtimin e punës, besimit dhe fitores më 12 tetor. Faleminderit nga zemra për mbështetjen e vazhdueshme”, ka shkruar ai në Facebook.