Irani ka kërcënuar të mërkurën se do ta zgjerojë luftën përtej Lindjes së Mesme nëse Shtetet e Bashkuara sulmojnë përsëri, pasi presidenti amerikan, Donald Trump, deklaroi se kishte qenë vetëm një orë larg rifillimit të fushatës ushtarake.
Gjashtë javë pasi Trump pezulloi Operacionin “Epic Fury” për një armëpushim, bisedimet për t’i dhënë fund luftës kanë mbetur kryesisht të bllokuara, shkruan Reuters, transmeton Dukagjini.
Irani i paraqiti këtë javë një ofertë të re Shteteve të Bashkuara, por versionet publike të saj përsërisin kushte që Trump i kishte refuzuar më parë, përfshirë kërkesat për kontroll mbi Ngushticën e Hormuzit, kompensim për dëmet e luftës, heqjen e sanksioneve, lirimin e aseteve të ngrira dhe tërheqjen e trupave amerikane nga rajoni.