Dibran Istrefi, drejtor i informacionit në RTV Dukagjini, ka thënë në Debat Plus se Lëvizja Vetëvendosje po përdor hile në procesin e kandidimit për kryetar të Kuvendit, duke e quajtur këtë si një tendencë të obstruksionit të demokracisë.
Sipas tij, situata e krijuar nuk është aspak e papritur.
“Kjo që po synon të bëjë LVV, e ndoshta edhe ndonjë prej partive të tjera që nuk e kanë fituar shumicën, është t’i shkaktojnë vendit zgjedhje të tjera të jashtëzakonshme”, ka thënë Istrefi.
Ai shtoi se propozimi i kandidatëve që dihet paraprakisht se nuk do të marrin votat e nevojshme për t’u zgjedhur kryetar të Kuvendit, përbën një hile brenda lojës demokratike.
“Duke propozuar njerëz që apriori e dimë se nuk do të marrin votat e nevojshme për t’u zgjedhur kryetar i Kuvendit, është njëfarë hile brenda lojës së demokracisë që zhvillohet në Kuvendin e Kosovës”, tha ai.
Në fund, Istrefi ngriti dyshime se mos partitë opozitare po e sfidojnë Vetëvendosjen si shumicë, duke ia përcaktuar disa emra në këtë proces.