Alain Berseti është rizgjedhur edhe njëherë si sekretar i përgjithshëm i Këshillit të Evropës. E për rizgjedhjen e tij, krerët e vendit, Osmani e Kurti kanë uruar atë dhe janë shprehur se “mezi presin të punojnë me të”
Presidentja e vendit, Vjosa Osmani, e ka uruar Alain Brestin për zgjedhjen në postin e sekretarit të Përgjithshëm të Këshillit të Evropës.
Osmani tha se Kosova është e përkushtuar fuqishëm për anëtarësim në Këshillin e Evropës, teksa tha se anëtarësimi do të ishte fitore për tërë kontinentin.
“Kosova është e përkushtuar fuqishëm për anëtarësim në Këshillin e Evropës – një anëtarësim që jo vetëm do të ishte një fitore për të drejtat e njeriut në Kosovë, por edhe një fitore për kontinentin tonë dhe vlerat mbi të cilat ai qëndron fuqishëm”, shkroi Osmani.
Më tej, e para e shtetit tha se anëtarësimi i Kosovës në KiE si anëtari i 47-të, duke shtuar se ky është një synim që Kosova do të vazhdojë ta ndjekë pa pushim.
“Mezi pres të punojmë së bashku për ta bërë realitet”, tha Osmani.
Edhe kryeministri i vendit, Albin Kurti, ka uruar ish-presidentin e Zvicrës, Alain Berset, për rizgjedhjen e tij në pozitën e sekretarit të Përgjithshëm të Këshillit të Evropës.
Kurti tha se Berset është një mik i madh i të drejtave të njeriut.
Ai theksoi se mezi pret të punojë bashkë me të.
“Shumë urime për ish-këshilltarin dhe presidentin federal të Zvicrës, Alain Berset, për zgjedhjen e tij si Sekretar i Përgjithshëm i Këshillit të Evropës. Ai është një mik i madh i të drejtave të njeriut, demokracisë dhe shtetit të së drejtës. Pres me padurim të punojmë së bashku për të avancuar këto vlera themelore të Këshillit të Evropës, vlera për të cilat Republika e Kosovës është thellësisht e përkushtuar si një shtet aspirant për anëtarësim”, ka shkruar Kurti.
Many congratulations to former 🇨🇭Federal Councilor and President @alain_berset on his election as Secretary-General of the @coe. He is a great friend to human rights, democracy, and rule of law. I look forward to working together to advance these fundamental values of the Council…
— Albin Kurti (@albinkurti) June 26, 2024