Kryeministri i Kosovës, Albin Kurti, ka pritur sot në takim ministrin e Punëve të Jashtme të Maltës, njëherit dhe kryesues i OSBE-së, Ian Borg.
Përmes një postimi në platformën X, Kurti ka thënë se në këtë takim është diskutuar për bashkëpunim në lidhje me luftën kundër krimit të organizuar.
Kreu i ekzekutivit ka thënë se e vlerësojnë konfirmimin e miqësisë në mes të dy shteteve, Kosovës dhe Maltës.
“Ne e vlerësojmë konfirmimin e miqësisë sonë të dashur dhe presim me padurim punën tonë”, ka shkruar Kurti.
It’s a pleasure to welcome today @MinisterIanBorg, MFA of Malta and Chair-in-Office of @OSCE. We discussed multiple pathways to collaboration, especially pertaining to fighting organized crime. We appreciate the confirmation of our cherished friendship & look forward to our work. pic.twitter.com/aV6FCVfuLu
— Albin Kurti (@albinkurti) April 11, 2024