Kryeministri i Kosovës, Albin Kurti, ka pritur në takim përfaqësuesit e Shoqatës së Miqësisë Austri-Kosovë.
Në delegacion ishin të pranishëm edhe Lukas Mandl, deputeti i Parlamentit Evropian, njëherit themelues dhe president i Shoqatës së Miqësisë Austri-Kosovë, Christoph Weidinger, ambasador i Austrisë në Kosovë, Friedhelm Frischenschlager, ish-ministri i Mbrojtjes i Austrisë, si dhe deputetët në Parlamentin e Austrisë, Hannes Taborsky dhe Helmut Brandstätter.
Kryeministri Kurti ka shprehur mirënjohje për mbështetjen e dhënë nga Austria, duke theksuar se është shtet mik i madh i Kosovës dhe partner i rëndësishëm.
Në këtë takim, po ashtu, u vlerësuan marrëdhëniet shumë të mira bilaterale ndërmjet dy shteteve.
Ndër të tjera, u bashkëbisedua për projektet e përbashkëta me Austrinë, si dhe mundësitë e zgjerimit të bashkëpunimit të mëtejmë, me theks të veçantë në projektet kulturore.