Nënkampioni i Kupës së Botës të vitit 2018, Kroacia e ka nisur rrugëtimin në Kampionatin Botëror 2022 me përballje ndaj Marokut në kuadër të Grupit F.
Ndeshja mes kombëtares kroate dhe marokene ka përfunduar pjesën e parë me rezultat të barabartë, por pa gola, pasi asnjëra prej skuadrave nuk patën ndonjë rast të mirë shënimi.
Maroku nuk pati shumë tentime afër golit, ndërsa Kroacia prej tri tentimeve, nuk arriti të shënoj golin dominues.
Kroacia nuk donte të përfundonte pjesa e parë pa një gol në epërsi, pasi Vlasic dhe Modric kishin të dy shanse shumë të mira për të thyer bllokimin, por gjithçka përfundoi me rezultat 0:0 në pjesën e parë të ndeshjes.
Kroacia në minutën e 46 të minutave shtesë ka mbajtur maksimumin deri në fund të kësaj periudhe pasi një goditje e Perisic ishte bllokuar, dhe topi ju kishte kthyer Modric-it në të majtën, por përpjekja e tij kishte kaluar mbi traversë.
Të dyja palët shkëmbyen goditje por jo shumë afër për të shënuar golin, me Ivan Perišić që gjuajti mbi traversë për Kroacinë dhe Hakim Ziyech që shpërtheu një goditje dënimi në mur për Marokun.
Luka Modric është lojtari i parë që luan në një Kupë Bote dhe një Kampionat Evropian të UEFA-s në tre dekada të ndryshme.
Ndeshja e cila filloi në ora 11:00, është duke u zhvilluar në stadiumin “Al Bayt”.
Kroatët në Botërorin e mbajtur në Rusi në vitin 2018, ishin nënkampion, duke humbur në finale nga Franca dhe tani ata synojnë të arrijnë atë që Botërorin e kaluar nuk mundën.
Formacionet zyrtare:
Maroku: Bono; Hakimi, Saiss, Aguerd, Mazraoui; Amrabat, Ounahi, Amallah; Ziyech, En Nesyri, Boufal.
Kroacia: Livakovic, Perisic, Lovren, Kovacic, Kramaric, Modric, Brozovic, Vlasic, Sosa, Gvardiol, Juranovic.
Kroacia do të luajë ndeshjen e dytë katër ditë më pas, kur do të takohet me Belgjikën dhe ndeshjen e tretë më 1 dhjetor me Kanadanë.
Ndërsa, Maroku do të zhvilloj ndeshjen e radhës më 27 nëntor kundër Belgjikës dhe me 1 dhjetor kundër Kanadasë.