Ministri i Mbrojtjes, Armend Mehaj, për të rinjtë e të reja e Kosovës, ka publikuar një video me informacionet e nevojshme për aplikim dhe testim.
“Detyra, Nderi dhe Atdheu mbi të gjitha”.
“Forca e Sigurisë së Kosovës është dhe do të jetë ushtria juaj dhe në shërbim të të gjithë qytetarëve tanë pa dallim”.
“Uniforma e FSK-së është dhe do të jetë personifikimi i vlerave më të çmuara të popullit të Kosovës i zhvilluar dhe forcuar bashkë me vendet dhe popujt aleatë liridashës dhe paqedashës udhëhequr nga SHBA”, ka shkruar Mehaj.
Sipas tij, Ministria e Mbrojtjes së shpejti do të hapë konkursin për mbi 600 ushtarë aktivë dhe rreth 400 pjesëtarë rezervë.
Ai u ka thënë të rinjve të qëndrojnë në gjendje gatishmërie që të aplikojnë për t’u bërë pjesëtarë të FSK-së.