Kryeministri i Republikës së Kosovës, Albin Kurti, ka marrë pjesë në festën e organizuar nga ambasada Amerikane në Kosovë me rastin e 247-vjetorit të Deklaratës së Pavarësisë së Shteteve të Bashkuara të Amerikës (SHBA).
Zyra e Kryeministrit ka publikuar disa momente të kreut të ekzekutivit nga festa. Në mesin e tyre nuk përfshihet ndonjë foto me ambasadorin Hovenier, ndonëse njoftimi thotë se Kurti e uroi atë me rastin e festës.
“Kryeministri Kurti e uroi ambasadorin amerikan Jeffrey Hovenier për 4 Korrikun, me dëshirat më të mira për kombin amerikan, aleatin e madh të Republikës së Kosovës”, thuhet në njoftim.
Më poshtë mund të gjeni pamje nga festa.
