Anëtari i Këshillit të Përgjithshëm të LDK-së, Valon Murtezaj, vlerëson se ftesa e Kuvendit të sotëm nuk është e qartë për atë çka pritet të ndodhë sot.
Murtezaj, në një prononcim për media, u shpreh se sot përcaktohet lidershipi dhe demokracia e LDK-së, njofton Dukagjini.
“Sot jemi në një ngjarje shumë të rëndësishme për Lidhjen Demokratike të Kosovës. Sot përcaktohet lidershipi dhe demokracia në Lidhjen Demokratike të Kosovës – delegatët do të angazhohen që normat statutare të zbatohen në mënyrë që normat demokratike të fillojnë të zënë vend në Republikën e Kosovës. Kosova ka nevojë për parti, organizata politike që janë demokratike dhe që janë të lira”.
Murtezaj foli edhe në rast se mund të jetë njëri prej kandidatëve në rast se ka kuvend zgjedhor, por për këtë u shpreh se është në dorën e delegatëve pasi në ftesë nuk është qartë.
Ftesa nuk ishte e qartë pasi janë 3 modalitete të takimit të kuvendit, sic e keni parë në ftesë nuk është e saktësuar dhe është në dorën e delegatëve që të saktësojnë rrjedhen e kuvendit sot dhe rrjedhën e LDK-së nesër”, u shpreh Murtezaj.