Më 20 maj, duke filluar nga ora 19:00, në librarinë “Dukagjini” do të mbahet promovimi i librit “Welcome to This Moment” nga autorja Likana Cana.
“Welcome to this moment” është një tekst i gjallë që luan me mendime të njohura, ky libër është pjesërisht një ditar, pjesërisht teori e jetuar, pjesërisht një filozofi e luajtur në mbrëmjen e së premtes. I shkruar midis netëve të zhurmshme dhe skajeve të qeta, ai buron nga bindja se hapësira reale personale gjendet në mendje. Duke lëvizur mes instinktives dhe dinamikës, ai ndjek modelet kulturore përmes së vërtetave personale në ndryshim.
E shtrirë në tri vera që ndryshojnë gjithçka, “Welcome to This moment” rrëfen një jetë në shndërrim ndërmjet vajzërisë dhe të qenit grua, lëvizjes dhe qëndrueshmërisë, kaosit e formësimit.
Gjatë promovimit, të pranishmit do të kenë mundësinë të bashkëbisedojnë me autoren rreth librit dhe procesit të shkrimit.
Të gjithë dashamirët e librit janë të ftuar të marrin pjesë në këtë mbrëmje letrare në ambientet e librarisë “Dukagjini”.