Policia e Kosovës ka arrestuar një të dyshuar mashkull kosovar, pasi dyshohet se ka sulmuar fizikisht një zyrtar policor gjatë kryerjes së detyrës zyrtare.
Rasti ka ndodhur më 13 gusht 2025, rreth orës 12:00, në rrugën “Rexhep Mala” në Fushë Kosovë.
Sipas policisë, si zyrtari policor ashtu edhe i dyshuari kanë marrë tretman mjekësor pas incidentit.
Pas intervistimit, me urdhër të prokurorit, i dyshuari është liruar dhe procedura do të vazhdojë në mënyrë të rregullt thuhet në raportin 24 orësh të policisë.