Oda Ekonomike e Kosovës ka njoftuar se ka dorëzuar padi në Gjykatën Supreme kundër Zyrës së Rregullatorit të Energjisë Elektrike, lidhur me detyrimin e bizneseve që të kalojnë menjëherë në tregun e lirë të energjisë.
Përmes një postimi në Facebook, OEK ka bërë publik edhe dokumentin e padisë.
Në këtë kërkesëpadi theksohet se veprimi është ndërmarrë me qëllim të mbrojtjes së bizneseve, ekonomisë së Kosovës dhe qytetarëve si konsumatorë të fundit, kundër një vendimi që konsiderohet i padrejtë nga ZRrE.
Ndërkohë, OEK ka reaguar me shqetësim të thellë për situatën e krijuar pas këtij vendimi të Zyrës së Rregullatorit për Energji, duke e vlerësuar atë si të jashtëligjshëm dhe të dëmshëm si për bizneset, ashtu edhe për ekonominë dhe qytetarët e vendit.
