Policia e Kosovës ka njoftuar se ka arrestuar tre persona të dyshuar për vjedhjen e një veture në Mitrovicë. Rasti është raportuar rreth orës 10:30 në Stacionin Policor Mitrovicë Jugu, ku është bërë e ditur se vetura, pronë e një klubi sportiv, ishte vjedhur.
Pas një pune operative dhe hetimore, njësitë policore arritën ta lokalizonin dhe ndalonin automjetin në fshatin Frashër të Mitrovicës. Tre të mitur, të dyshuar për këtë rast, u arrestuan dhe u shoqëruan në stacionin policor.
Sipas policisë, pas intervistimit dhe procedurave të nevojshme ligjore, është iniciuar rasti penal për “Vjedhje të rëndë”. Me vendim të prokurorit, dy nga të dyshuarit janë liruar në procedurë të rregullt, ndërsa njërit prej tyre i është shqiptuar masa e ndalimit policor.