Gjatë vizitës së saj zyrtare në shtetin e Singaporit, presidentja Vjosa Osmani është pritur nga homologia e saj, presidentja Halimah Yacob.
Osmani i ka thurur lavde shtetit aziatik, duke thënë se “Singapori shquhet për zhvillimin dinamik, avancimin teknologjik dhe shndërrimin në një prej epiqendrave të aktivitetit ekonomik në Azi”.
Tutje, sipas njoftimit, Osmani ka kërkuar avancim të bashkëpunimit me shtetin e Singaporit, në fusha të ndryshme siç janë teknologjia e arsimi.
Përveç Singaporit, presidentja Osmani ka vizituar edhe Tajlandën, ku është pritur nga kryeministri i Tajlandës Prayut Chan-o-cha.
Presidentja Osmani, gjithashtu, ka marrë pjesë edhe në një tryezë me karakter ekonomik të organizuar nga Ambasada e Republikës së Kosovës në bashkëpunim me Këshilli Diplomatik dhe Odën Ekonomike të Tajlandës dhe Bordin e Tregtisë së Tajlandës
Kjo është vizita e parë e një kreu të shtetit të Kosovës në këto dy shtete të Azisë Juglindore.