Kampioni në fuqi i Francës, Paris Saint-Germain, ka shënuar një fitore bindëse në derbin francez ndaj Olympique Marseille.
PSG-ja triumfoi me rezultat të thellë 5:0 në “Klasiken e Francës”, e cila u zhvillua të dielën mbrëma dhe i takoi javës së 21-të të Ligue 1.
Ylli i ndeshjes ishte fituesi i “Topit të Artë”, Ousmane Dembele, i cili realizoi dy gola dhe dhuroi një asistim. Francezi hapi serinë e golave në minutën e 12-të, ndërsa golin e dytë e shënoi në minutën e 37-të.
Në pjesën e dytë, Facundo Medina shënoi autogol në minutën e 64-t për rezultatin 3:0. Vetëm dy minuta më vonë, Dembele asistoi për Khvicha Kvaratskhelia, i cili realizoi golin e katërt për PSG-në.
Me këtë fitore, Paris Saint-Germain ngjitet në krye të tabelës së Ligue 1 me 51 pikë, ndërsa Marseille renditet në vendin e katërt me 39 pikë.