Ballkani ka mësuar dje kundërshtarët në grupet e Ligës së Konferencës, pas kualifikimit historik për herë të dytë.
Kampioni i Kosovës, fillimisht do të përballet me Victoria Plzenin më 21 shtator, teksa sfidën e dytë me 5 tetor në stadiumin “Fadil Vokrri” ndaj GNK Dinamo Zagrebit.
Në xhiron e tretë dhe të katërt do të përballet me ekipin nga Kazakistani, FC Astana.
Dy përballjet e fundit i zhvillon ndaj Victoria Plzenit dhe Dinamo Zagrebit.
Sezoni i ri i Ligës së Konferencës do të fillojë më 21 shtator për të gjitha skuadrat, ndërsa kjo fazë përfundon më 14 dhjetor.
Finalja e madhe e garës së tretë më të rëndësishme evropiane do të zhvillohet në Agia Sofia Stadium në Greqi, më 29 maj 2024.