Qeveria në detyrë e Republikës së Kosovës ka zhvilluar sot një mbledhje elektronike, në të cilën janë marrë disa vendime me rëndësi për sektorë të ndryshëm.
Në këtë mbledhje është vendosur që mandati i Komisionit për Verifikimin e Diplomave të Universitetit të Mitrovicës së Veriut të vazhdojë deri më 15 tetor 2025.
Po ashtu, është plotësuar Statuti Nr. 01/2023 i Shërbimit Spitalor dhe Klinik Universitar të Kosovës.
Në kuadër të vendimeve buxhetore, qeveria ka miratuar rialokimin e 105 mijë eurove për projekte në komunën e Ferizajt dhe për ndërtimin e Shërbimeve Regjionale të Inspektoratit të Agjencisë së Ushqimit dhe Veterinarisë (AUV) në Gjakovë.
Ndër të tjera, janë ndarë edhe mjete nga fondet e huamarrjes në vlerë prej 580,780 euro dhe 372,100 euro për financimin e projektit “Kadastri i patundshmërisë dhe aktivitetet gjeohapësinore”, thuhet në njoftimin e qeverisë.