Real Madridi arriti të marrë fitoren në ndeshjen e dytë të edicioni të sivjetmë të Kupës së Botës për Klube, duke mposhtur Pachucan me rezultat 3:1, pavarësisht se luajti me 10 lojtarë pothuajse gjatë gjithë ndeshjes.
Raul Asencio u ndëshkua me karton të kuq në minutën e 7-të, por kjo nuk i ndali “Los Blancos”.
Jude Bellingham hapi serinë e golave në minutën e 35-të, Arda Guler shënoi për 2:0 në minutën e 43-të, ndërsa Federico Valverde realizoi të tretin në minutën e 70-të.
Pachuca arriti të shënojë golin e nderit në minutën e 80-të me anë të Elias Montiel, por nuk rrezikoi seriozisht fitoren e Realit.
Me këtë triumf, Real Madridi tregon ambiciet për titull në këtë garë ndërkombëtare.