Kandidati për kryetar të Junikut nga radhët e LDK-së, Ruzhdi Shehu, ka prezantuar sot listën e kandidatëve për Kuvendin Komunal, duke theksuar se bëhet fjalë për një ekip të përkushtuar, me integritet dhe të njohur mirë nga qytetarët.
“Pas hapjes së fushatës zgjedhore, sot kam kënaqësinë t’ju prezantoj listën e kandidatëve tanë për Kuvendin Komunal – një ekip që përfaqëson dinjitetin, profesionalizmin dhe vlerat më të mira të Junikut tonë”, ka theksuar Shehu.
Ai ka theksuar se kandidatët janë fqinjë, familjarë dhe miq të qytetarëve, të njohur për integritetin dhe profesionalizmin e tyre.
Shehu ka ftuar qytetarët që në ditën e votimit të dalin masivisht dhe të votojnë listën e LDK-së për të garantuar vazhdimësinë e zhvillimit dhe përkrahjen e vizionit të tij për komunën.
“Zëri juaj është forca jonë,” ka shkruar Shehu në Facebook.
