Persona të panjohur kanë vizatuar shkrime me motive ndëretnike në shtëpinë e një personi në Mitrovicën e Veriut.
Qytetari kosovar që ka raportuar rastin, ka njoftuar se shtëpia është në proces ndërtimi.
Rasti raportohet të ketë ndodhur të mërkurën e 31 janarit dhe i njëjti po vazhdon të hetohet nga njësitet kompetente.
Policia e Kosovës, këtë rast, në raportin 24-orësh e ka cilësuar si “nxitje, urrejtje dhe mosdurim ndëretnik”.
“Ankuesi mashkull kosovar ka raportuar se persona të panjohur në shtëpinë e tij, e cila është në proces ndërtimi, kanë vizatuar shkrime me motive ndëretnike. Rasti po hetohet nga njësitet kompetente”, thuhet në raport.